ບໍລິສັດ ລົງທືນ ແລະ ພັດທະນາວຽງຈັນ ຈຳກັດ ໄດ້ເປັນຜູ້ລົງທຶນຢູ່ເບື້ອງຫຼັງ Royal Square Complex ຕັ້ງແຕ່ປີ 2017. ສະຖານທີ່ແຫ່ງນີ້ລວມມີຫ້ອງການໃຫ້ເຊົ່າ, ຮ້ານຂາຍຍ່ອຍ, ລວມທັງໂຮງແຮມ Crowne Plaza ແລະ Holiday Inn ຂອງ IHG. ຕັ້ງຢູ່ໃຈກາງເມືອງ ໃກ້ແມ່ນໍ້າຂອງທີ່ສວຍງາມ, ອ້ອມຮອບໄປດ້ວຍສິ່ງອໍານວຍຄວາມສະດວກຫຼາຍຢ່າງ, ລວມທັງອາຄານລັດຖະບານ, ສະຖານທູດ, ອາພາດເມັ້ນ ແລະ ຫ້າງຮ້ານຕ່າງໆ. ຍິ່ງໄປກວ່ານັ້ນ, ຍັງໃກ້ກັບສະຫນາມບິນ ເພີ່ມຄວາມສະດວກສະບາຍຫຼາຍ. ອາຄານດັ່ງກ່າວມີການອອກແບບທີ່ທັນສະໄໝ ແລະໃຫ້ບໍລິການມາດຕະຖານສາກົນ, ປະກອບມີໂຮງແຮມ, ຫ້ອງປະຊຸມ, ຫ້ອງຈັດງານ, ຮ້ານອາຫານ, ແລະຫ້ອງການຕ່າງໆໃຫ້ເຊົ່າ. ຕອບສະຫນອງໃຫ້ແກ່ອົງການຈັດຕັ້ງ ແລະບໍລິສັດທັງພາຍໃນແລະຕ່າງປະເທດ ທີ່ກຳລັງຊອກບໍລິການລູກຄ້າທີ່ດີເລີດ ແລະ ສະພາບແວດລ້ອມທີ່ເປັນມືອາຊີບ.
ສ້າງອະນາຄົດທີ່ດີກວ່າຮ່ວມກັນ
ບໍລິສັດ ລົງທືນ ແລະ ພັດທະນາວຽງຈັນ ຈຳກັດ ແມ່ນບໍລິສັດຮ່ວມທຶນທີ່ມີຄວາມຮັບຜິດຊອບ ທີ່ສ້າງຕັ້ງໂດຍກົມໃຫຍ່ບໍລິຫານລັດ ແລະ ກຸ່ມບໍລິສັດ BIM ແຫ່ງສາທາລະນະລັດຫວຽດນາມ.
ໄລຍະເບື້ອງຕົ້ນຂອງໂຄງການແມ່ນໄດ້ມີການສ້າງຕັ້ງໂຮງແຮມລະດັບສາກົນລະດັບ 5 ດາວ, Crowne Plaza, ປະກອບມີ 198 ຫ້ອງ, ແລະດໍາເນີນງານໂດຍກຸ່ມໂຮງແຮມ InterContinental ທີ່ມີຊື່ສຽງລະດັບໂລກ ແລະ ຍັງມີຫ້ອງການ Royal Square ໃຫ້ເຊົ່າ.
– ໃນປີ 2012 ໄດ້ມີການເຊັນສັນຍາຮ່ວມທຶນເພື່ອເລີ່ມກໍ່ສ້າງໂຮງແຮມ 5 ດາວ.
– ໄດ້ເລີ່ມກໍ່ສ້າງໃນປີ 2011 ດ້ວຍການວາງເສົາສີລາເລີກ.
– ເອກະສານການລົງທືນແມ່ນໄດ້ສໍາເລັດໃນລະຫວ່າງປີ 2011 ຫາ 2013.
– ແຕ່ປີ 2013 ຫາ 2016 ໂຄງການລົງທຶນໄລຍະທີ 1 ລວມມີການກໍ່ສ້າງຕຶກ Crowne Plaza Vientiane ແລະ ຫ້ອງການ Royal Square.
– ພິທີເປີດຢ່າງເປັນທາງການໄດ້ຈັດຂຶ້ນໃນປີ 2017 ໂດຍເປັນການເປີດໂຕຂອງໂຮງແຮມ ຄຣາວພລາຊາ ວຽງຈັນ ແລະ ຫ້ອງການ Royal Square.
ໄລຍະທີ 2 ຂອງໂຄງການລວມມີການພັດທະນາຂອງ Royal Square A ແລະ ໂຮງແຮມ Holiday Inn. ໂຮງແຮມ Holiday Inn, ແມ່ນສ່ວນໜຶ່ງຂອງຍີ່ຫໍ້ໂຮງແຮມທີ່ມີຊື່ສຽງຂອງກຸ່ມ IHG, ມີ 275 ຫ້ອງ. ນອກຈາກນີ້, ຍັງມີພື້ນທີ່ໃຫ້ເຊົ່າ 12,345 ຕາແມັດ, ຈັດສັນໃຫ້ເຊົ່າຫ້ອງການ 10,000 ຕາແມັດ ແລະ 2,372 ຕາແມັດ ເພື່ອໃຊ້ໃນການຄ້າ. ພື້ນຖານໂຄງລ່າງຂອງໂຄງການແມ່ນສໍາເລັດ, ມີການຂະຫຍາຍຕົວຢ່າງຕໍ່ເນື່ອງຂອງການຕົບແຕ່ງພາຍໃນ, ລະບົບໄຟຟ້າ, ການຕິດຕັ້ງແກ້ວອາລູມິນຽມ, ການທາສີ ແລະອື່ນໆ. ໄລຍະທີ 2 ຄາດວ່າຈະສຳເລັດໃນໄຕມາດທີ 1 ປີ 2024.
